MIRI: Seiku indu ke gawa nyadi kerani akaun di sebuah serikat ladang kelapa sawit ditu parai udah Toyota Hilux enggi kompeni ke ditepan iya begulai enggau empat iku bakih sepengawa tepawah lalu begaring penyauh 50 meter ngagai paya dalam sebengkah kes aksidin di KM34, Jalai Miri-Bintulu, ditu pagi kemari.
Mansa, Chong Phui Ching, 29, ari Jalai Riam ditu parai datai iya di Unit Aksidin enggau Kes Ngenyit (A&E) Sepital Miri.
Seraya empat iku bakih bukai nya tiga iku indu enggau seiku deriba (lelaki) semina bakal mimit mega ditabanka ngagai Sepital Miri ngambika diperubat.
Ku penerang, sebedau penyadi tu urung pukul 9.20 pagi nya, mansa enggau sekeda bakih sepengawa dalam pejalai ngagai estet enggi kompeni di kandang endur Suai-Niah.
Nitihka penerang, mansa duduk ba tengah kerusi belakang Toyota Hilux.
